Musika instrumentuen bilduma

instrumento

Musika-tresnen bilduma hau 1980ko hamarkadan hasi ginen sortzen. Musika-taldeetan jotzen genuenez eta musika maite genuenez, musika-tresnak jasotzeko ohitura genuen. Hasiera batean kapritxo bat besterik ez zena musika-tresna sorta zabal eta ugaria bihurtu zen pixkanaka, eta, hala, lehen erakusketa bat antolatu genuen Hondarribian, 200 musika-tresnarekin. Geroago ere erabiliko genuen izena jarri genion erakusketa hari:
“IKUSTEKO MUSIKA. Munduko musika-tresnak”.

Izen hori -Ikusteko musika- erakusketak egiteko erregistratuta daukagu.

Hasiera harez geroztik organologian sakontzen joan gara eta bost kontinenteetako etnia ugariren berri izateko eta haien ezaugarriak —erritoak, ohiturak, sinesmenak...— ezagutzeko aukera izan dugu.

Gaur egun, 4.000tik gora musika-tresna dauzkagu bilduman, eta haietako askok balio izugarria dute ikuspegi etnomusikologiko eta artistikotik.

Gure bildumaren barruan alderdi hauez arduratzen gara: musika-tresnak biltzeaz, sailkatzeaz, kontserbatzeaz eta erakusteaz.

Gai honetako zenbait adituk diotenari jaramon eginez, Europako bilduma pribaturik onenetakoadugu, eta iritzi berekoak dira, halaber, hainbat etnomusikologo, musika-tresnen museoetako kontserbatzaile, musikologiako aditu, katedradun eta abar.

Erakusketak antolatu ditugu Espainiako eta Frantziako zenbait herritan. Horietatik bi nabarmentzen dira bereziki: 1992an Leongo “Gizakiaren Adinak” erakusketaren barruan musikaren alorrean antolatutakoa eta Caixanovak Galizian antolatutako erakusketa ibiltaria. Erakusketa bakoitzak bi urte eta erdiko iraupena izan zuen eta 350 musika-tresna erakutsi ziren, batez beste.

 
© Música para Ver 2010 Lege Oharra [ eu | es | en ] Web Diseinua