Egurrezko zati bakarrean giza itxurako irudiekin landua dago: aire zutabeak gorputza irudikatzen du eta ahokoa bizkarrean du. Multzoa neurriaren arabera aldatzen den afinazio ezberdineko gisa bereko lau tronpak osatzen dute. Neurri hauek familia bat osatzen duten senideekin lotuta daude: aita, ama, semea eta alaba.
Soinulariek bwete musika hoquetus teknika erritmikoa erabiliaz jotzen zuten. Musika honen esanahia ez dago argi, ezta jatorrian talde honek zein baldintzetan jotzen zuen ere. Ziurrenik hileta zeremonietako erritualetan arbasoekin loturaren bat izango zuen. Iniziazio zeremonietan ere erabiltzen zen: carunga gizonentzat eta bathumbwa emakumeentzat.
